Mohamed's profileBe Smart ... Be HugePhotosBlogListsMore  |  Tools Help |
|
December 22 هي فوضيانا اترددت كتير اني اكتب عن الفيلم ده، الصراحة انا ماكنتش عايز اضيع وقت فالكتابة في فيلم زي ده
بجد لما تلاقي يوسف شاهين علي اي افيش فيلم كنت بتدخل وانت مغمض عينيك ، لكن الفيلم ده لا ...
انا هاتكلم في نقط معينة من وجهة نظري خلت الفيلم مايساويش تمن التذكرة اللي دفعتها:
1- قصة الفيلم مهلهلة بطريقة واضحة جدا لدرجة ان قصة الفيلم كانت بتقلب اباحية من غير اي هدف او غرض للاحداث التالية
مثال علي كده طبعا لما حاتم خد واحدة من الساقطات وراحوا كوافير ورجعوا عشان باروكة!!!
الحبكة كان فيها حاجات واقعة خالص.. يعني انت لوعايز تناقش قضايا فساد ماطلعش امين شرطة ياباشا .. انا اللي خضيني ليه عميد الشرطة مابعهوش
في اول صدام مع وكيل النيابة وقال ايه رايح يبيعوا في اخر الفيلم ويقولك كل القوات تقبض علي حاتم ... ايه ياواد الحلاوة دي، مع ان المنطق يقول ان طظ في
امين الشرطة ومكسب وكيل نيابة احسن بكتير من امين شرطة ... حاجة عبيطة والله
مش لازم نفكر زي ما صاحب القصة بيفكر ، احنا لينا مخنا اللي نقدر نقول دي ماشية صح في مصر مش اي هبل يتحط قدامنا لازم نصدقوا
2- قصة لم يستفيد منها اي مشاهد غير كمية الاباحة اللي في الفيلم وان مصر دي بلد الوساخة ومافهاش حد نضيف
طب انت عرضت مشكلة وان البلد وسخة طب قلنا الحل ايه !! يعني مش البطل ينتحر وفي بداية الفيلم تقول ان ده مش حال البلد
ودي شخصية واحدة وفي الفيلم عكس كده خالص .. مطلع الشرطة فاسدة و النيابة فاسدة بردوا
طيب ياعم يوسف حط حل في نهاية الفيلم ولا قصة الفيلم هي فوضي والبلد تولع يعني !!!
3- تصوير الفيلم حاسيته زي تصوير فيلم باب الحديد ، في حد في العالم لسة بيحط خلفيات متحركة في كادر والمشهد في كادر
ويركبهم علي بعض ... ياعم يوسف ماتجيش منك !!
4- مستوي الفيلم لا بيدل علي مخرج مميز ولا بيناقش قصة ولا اي حاجة وفرقعة علي الفاضي
فالنهاية عايز اقول شكرا ليوسف شاهين علي كمية الاباحة الجديدة علي السينما والالفاظ اللي بين الساقطات اللي ماكناش عايزين نعرفها واللي حضرتك
تشرفت وقدمتهالنا ومهما يحصل مش هانعرف نرد ليك الجميل يااااااه عالوساخة بتاعتك
December 05 KISS ApproachHi All,
ummmmm....
Don't complicate it .. Keep It Simple & Stupid "KISS" Approach  November 23 استثمر صححد سمع موضوع اختفاء دلتا مصر ؟ اه والله ، بيقولوا كمان 70 سنة دلتا مصر كلها هاتختفي
طيب الناس دي هاتروح فين ... ومش هانبقي 26 محافظة ... والدقهلية والغربية والشرقية هايختفوا
طيب دول ناس غلابة ياجدعان وكلهم فلاحين ... يعني هايروحوا فين !!
طيب حد عنده افكار الناس ديه هاتروح فين ، هم هايطلعةا حوالي 5 مليون - 7 مليون واحد ... ده السؤال الاول ؟
مش عارف بس انا حاسس ان الدنيا هاتتشقلب ونرجع زمان زي الفراعنة ، بمعني ان عاصمة مصر هاتبقي فالصعيد
طيبة قصدي الاقصر مثلا :)
طبعا ولما العاصمة تبقي في الصعيد ، الحكومة هاتنقل الصعيد ولما الحكومة تبقي في الصعيد يبقي مصالح الناس كلها هناك
والقاهرة دي هاتبقي منطقة نائية وهاتبقي قرفان وانت نازل مصر الجديدة او مدينة نصر ، علي فكرة الزمالك هاتختفي كمنطقة
وربنا يستر علي النادي انه مايختفيش هو راخر.
صعيد مصر لسه فالضياع ، دا يخلي ان الناس تبني مدينة جامدة جدا تكون فعلا عاصمة مصر ومثال علي كده دبي وابو ظبي اللتنين اتبنوا في السبيعنات
بس اتبنوا صح ، وم دلوقتي فعلا حاجة تفرح ، يعني عندنا الفرصة نطلع مدن محترمة بقي :)
المهم انا هاروح اشتري حتت ارض فالاقصر وابني فيها ، واحتمال اشتري حتت ارض جنبها وازرعها ، اصل هاتبقي في ازمة فالاكل بردوا ، عشان الدلتا بيتزرع فيها
تلت انتاج مصر من الزراعات ، الناس بتوع القاهرة اللي هايبقوا علي حدود مصر وحالتهم هاتبقي كرب بقي ، عشان بتوع الدلتا هايسكنوا معاهم وهاتبقي عيشتهم صعبة فحت
بعد ماالحكومة هاتكتفي ب 14 خط مترو للقاهرة و2000 اتوبيس و 1000000 تك تك ، القاهرة دي هاتبقي عاصمة التك التك الكبري ، طبعا نص القاهرة مش هايوصلها
ميه ولا كهربا ، والخدمات هاتتقطع بعد ما الحكومة هاتكون كلها نقلت للصعيد
ركزوا معايا ، ياجدعان فكروا صح و استثمروا صح
مستني حل السؤال الاول وربنا يستر
November 19 عالماشيانا في بعدك ماليش
مش قادر اعيش
لو حتي يوم
حتي لحظة من غير هموم
-------------------
دا ماكنش كلام
تمشي من غير اعذار
او حتي خصام
لو مش عاجبك جنتي
طب عيش فالنار
محمد عبدالغفار
نوفمبر 2007
November 14 الثبات الحركيتبدأ القصة عندما كنت انا وابي وزوج اختي نتحدث في احدي المواضيع وبالصدفة كان التلفزيون مفتوح علي قناة تذيع مبارة كرة قدم
المبارة كانت مملة جدا ولم نتابع منها شيء عندما لاحظنا انها مبارة في الدوري المصري لكرة القدم الفرعونية القديمة.
المهم الماتش انتهي تقريبا صفر - صفر و المذيع قال فالنهاية مبارة مثيرة جدا كان ينقصها الاهداف فقط !!!!
واحنا بنكمل كلامنا ... جابو استديو تحليلي كده والمذيع بيسال واحد من المحللين : ايه رايك في ماتش انهاردة ؟
قالوا الماتش كان معقول بس الفرقتيين معندهمش حته الثبات الحركي والتوزيع في الملعب
يخرب بيتك ايه ده يعني ايه اصلا "الثبات الحركي" .... وزوج اختي بيقولي لو نيوتن كان عايش كان ضربه بالجزمة
المحلل بهدل قوانين الاستاتيكا والميكانيكا بالجملة دي ... انا اتصدمت حبه وبعد كده رجعتلي الذاكرة وقولتهم ياجماعة
انا اعرف ان في حاجة اسمها "الحركة من الثبات" لكن "ثبات حركي" ده جديدة ، اول مرة اعرفها
طبعا المحلل قعد يقول مصطلحات ملهاش دعوي بالكرة الشراب حتي وانتهي الاستديو واحنا مش عارفين هو قصده ايه ب"الثبات الحركي"
حد يعرف ايه هي البتاعة دي !!! November 09 خناقة متروفي محطة حدائق المعادي ، المترو جي من حلوان الصبح والناس عايزة تروح شغلها ... وانا خارج من المحطة شفت مشهد كوميدي قلب دراما :(
واحد ومراته بيعدوا عشان يلحقوا المترو، الست عدت الاول وبعد كده زوجها كان بيعدي لقيت واحد من وراه ماسك دراع البوابة وبيخبط عليه
وبيشخط يلا ياعم انت بسرعة - والراجل اصلا ماعوهوش تذكرة - طب ايه قلة الادب ديه
المهم الراجل المتزوج قام بص ورا وقام مزعق - ليه حق - وانت مين قالك تعدي ورايا ؟ انا سمحتلك ؟
قام الراجل اللي معهوش تذكرة خبطه تاني وقالي انجز ياعم - كأنه حق مشروع ليه انه يعدي من ورا واحد من غير تذكرة- والراجل اللي معاه تذكرة هو اللي معطله
والله انا وقفت مندهش وقمت مسخسخ من الضحك. ايه الراجل الرخم ده
كل دا وصاحبنا بتاع التذكرة مزنوق في دراعات المكنة. والراجل الرخم عمال يزعق يقوله المترو هايفوتنا يلا عدي ؟؟؟!!!!
قام الراجل عدا وقفل الدراع بسرعة وصاحبنا الرخم ماعداش قام شادد الدراع قوي وعدي بالعافية
وبعديها قام رايح مخبط علي الراجل وقاله انت ازاي ماتعدينيش وراك ؟؟ قمة الرخامة
الراجل الطيب ده مش مصدق ان في بجاحة كده قالوا انت عايز ايه ياعم انت ؟ هو انا سمحتلك تعدي ورايا ؟؟
التاني قام شدوا من القميص وقالوا انا هاعرفك ازاي ماتعدنيش من وراك ؟؟-ايه العبط ده- وهوب قلبت خناقة ومراة الراجل قامت مصوته وهوب الناس اتلمت
الموضوع اتحل بسرعة - يمكن عشان دا راجل محترم ومعاه مراته - تفتكر انت لو مكانه كنت عملت ايه ؟؟؟؟؟؟
القصة دي حقيقية تماما
November 03 لحد هنا وكفايةتمت الاحداث ايضا في المترو - مش عارف مال المترو بيه اليومين دول - ولكن هذه المرة الاحداث اكثر سرعة و جراءة و سخونة :)في احدي اركان عربة المترو - مكان بين الباب المعاكس "لا يفتح في المحطات" وبين الكراسي - لابد وان تجد ولد وبنت في حوار هادئ وظريف عادة.المهم كان في ولد وبنت ماقولكش كانهم اتولدوا لبعض. البنت جميلة جدا بيضاء متوسطة الطول والولد وسيم جسمه رياضي اصيل واطول منها ببضع سينتميترات فقطيتحاورون بمنتهي الرقة وبكلام عذب تحن له القلوب الهائمة :))كانوا شكلهم رايحين الكليه بتاعتهم ... المهم عشان ماطولش عليكم الاحداث هاتبدأ من هنااقترب منهم شاب وسيم ايضا يرتدي بدله تبدو لي انها من النوع الفاخر وبكل جراءة توجة الي الفتاة مباشرة ....الشاب : لو سمحتي عايزاعرفك بنفسي .. انا اسمي خالد احمد الحسيني ، محاسب قانوني ، عندي 25 سنة وشوية شهور كدهمرتبي 3000 جنبة في الشهر وعندي شقة وعايز اتقدملك ... ايه رايك ؟طبعا الولد والفتاة ارتبكوا ارتباك تام يمكن البنت كانت مصدومة اكتر وشكلها اتغير - بس هو فعلا كلام غريب - انا ماكنتش مصدق وعملت نفسي مش واخد باليوقولت في نفسي الموضوع ممكن ينتهي بشتيمة وضربة بالقلم علي وش الواد ده - ده اكيد مجنون - ولكن الولد اللي مع الفتاة قال بصوت عالي اية ياعم انت!انت شايفها واقفه مع قرطاس لب ؟ ولسه هايشده من البدلة قام الشاب طلع كارت من جيبه وفي نفس اللحظة قالها نسيت ااقولك اني والدي عميد شرطة في الداخلية وده الكارت بتاعيفي كل حاجة عني عشان تتاكدي وفي رقم الموبايل الولد بعد ماسمع الجملة دي رفع ايده من علي البدلة وتوجة بالكلام الي صديقته الفتاة وقال لها يلا يا "....." ننزل المحطة دي وهنا كان اول رد فعل مسموع من الفتاة.. قالت للشاب طب وحضرتك تعرفني قبل كده ؟ بسرعة الشاب قال انا شوفتك بنت مؤدبة ومحترمة واكيد بنت ناس قلت اكمل نص ديني ... فصمت الجميع وتابع الشاب كلامه قائلا انا مش بتاع لعب ولا هزار وده اللي خلاني اكلمك مباشرة ... فقالت طب انا معرفش عنك حاجة وانت برده ماتعرفش عني حاجة ازاي هاتتقدملي عاللطول كده ... جاوب الشاب باجابة منطقية وتوجد علي لسان اي شاب يريد الجواز "لاني شوفتك بنت حلال وعايز اكمل حياتي معاكي" ... طبعا الولد انصطدم بكل هذا وردد بصوت عالي وشدها من يدها يلا يا "....." المحطة جت يلا ننزل فاجابت استني يامحمود لحد هنا وكفاية ..... ياسلام بقي علي الرومانسية دي كلها ومرة واحدة كده تقولي للواد "لحد هنا وكفاية" انا بجد مش عارف حسيت بايه ساعتها الباب كان مفتوح نزل محمود منه وراسه منحنيا :( والشاب اخذ نفس وضعية محمود واكمل الحديث مع الفتاة ولكني للاسف لم استطع انا اقول لهما اي جملة لان باب محطتي فتح ونزلتوقلت في سري " ولا عزاء للحب "محمد عبد الغفارنوفمبر 2007October 23 تفتكر ممكن توافقتمت احداث هذه القصة في المترو.يبدأ المشهد بجلوس شابين وفاتتين في مواجهة البعض. وكلهم في المرحلة الجامعية علي مااعتقد. مرت محطة فالاخري ولم يتم تبادل اي حديث فادركت انهم لا يعرفون بعض ومن هنا بدأ الحوارالشاب الاول: تفتكر ممكن توافق (موجها سؤاله لصديقة بصوت عالي سمعته والفتاتين)صديقه: وليه لا ياعم ان شاء الله ، خش انت بقلب جامد.الشاب الاول: ياعم علي ايه مش مستهالة.صديقه: ياعم انت جبان قوي كده ليه. يعني انت هاتكون اول واحدالشاب الاول: مش عارف بس ربك يسترصديقه: اتكل عالله ياريس ودوس.صمت الشابين للحظات... فبدأت الفتاة تحدث زميلتها بصوت منخفض ( انا مفهمش حاجة منه خالص) بس هو انتهي بابتسامة واضحة وصريحةهنا عاد الشابين للكلامالشاب الاول: ياباشا مانا جربت قبل كده واتحلقي جامد قوي ، كان منظري وحشصديقه: انت قصدك حكاية الاسبوع اللي فات ، ياعم دي واحدة مابتفهمش وماقدرتش انك رحتلها.الشاب الاول: طيب انت ايه رايك لو اديتها ورقة فيها كل حاجة واشوف رد فعلها؟صديقه:مش عارف بس مش هايبقي ليها نفس التأثير ... انا رايي تكلمها وش كده وانا ممكن ااجي معاك لو خايف يعنيالشاب الاول: قشطة انت كده واد رجولةوكان لهذا الفعل من الشابين اكيد رد فعل من الفتاتين ... فتبادلا الحديث مرة اخري ولكن هذه المرة بصوت عالي .. ( المرة دي انا سمعت كل حاجة بس برده مافهمتش قصدهم ايه !!)الفتاة الاولي: هو احنا عندنا محاضرة الدكتور" فولاني" امتي؟صديقاتها: من الساعة 9 بس الراجل ده مش بفهم منه حاجةالفتاة الاولي:عندك حق والله ... انا برده مش بفهم منه حاجة ... مادة غلسة!ونظر الشاب الاول الي احدي الفتاتين وبدأ الكلامالشاب الاول: ياصاحبي انا هاحاول وربك يسترها ... حتي لو وصلت اني انفض للمحاضرة الاوليصديقه: انت كده بجد واد كفاءة .. بس خلي بالك من الامن اللي عند مكتبها عشان محدش يرخم عليك منهم ابقي قلهم الدكتورة هي اللي قالتلي اجيلها المكتبصمت تااااااااااااااااااام من الجميع ...... أمن .... دكتورة ..... مكتبها !!!!!! هو في ايه !!!!!اتضح ان الشاب الاول كان عنده سؤال في مادة معينة بتدهالهم عميدة الكلية وكان خايف يروحلها المكتب عشان يسالها ، عشان هو حاول مع دكتورة عادية ورفضت تقابلةوقالتلة ان الاسئلة جوة المحاضرة بس !!!!! يانهااااااااااااار ابيض ....صباح التثبيت والاشتغالات .... منظر ماينفعش يتحكي .... انا قلت في نفسي " ولا عزاء للسيدات" وقضيتها ضحك لحد ماوصلت الشغلمحمد عبدالغفاراكتوبر 2007September 27 هندي وشوية نمل وكوب سكرازيكوا جميعا،،،واحد من اصحابي حكالي القصة دي ... بيقولك ايه بقي ياباشا في بلد ما فالخليج، كان في صيدلية فيها نمل كتير قوي والناس اللي هناك حاولت بكل الطرق انها تطرد النمل ده بس مافيش فايدة خااااااااااااااااالص لغاية ماجه واحد هندي قالهم انا ممكن اطلعلكوا النمل ده بره الصيدلية ، المهم الراجل الهندي عمل ايه ؟ جه في اول يوم ومعاه كوباية سكر ورماها في نص الصيدلية وبعد شوية اتلم عليها النمل وطبعا خلصوا كل السكر ورجعوا لمخابئهم تاني. الناس طبعا استغربت جدا !! ماعلينا صاحبنا الهندي جه تاني يوم عمل نفس الحركة والنمل برده عمل اللي عليه وشطب علي السكر كله :) .... والموضوع ده استمر ييجي اسبوع .... الناس دخلت الصيدلية ومالقوش اي اثر للنمل طبعا استغربوا جدا للي حصل وجابوا الراجل الهندي وسالوا انت عملت ايه فالنمل ياعم انت ؟ قالهم ولا حاجة ... النمل متعود انه يتعب ويدوخ عقبال مايلاقي الاكل بتاعه وده من طباعه ولما كان كل يوم بيلاقي الاكل بتاعه بسهولة ومن غير تعب مافضلش فالمكان وراح يدور علي مكان تاني .... دي بجد مش هزار ... سلام May 14 How can you gain points?You think that your effort and your performance will make you gain more of points. Guess what? i don't think so ... because you can make your best effort and great performance then the result will be null. it depends on more factors. most of them outside your boundary. i'll tell you one of these factors and you can help me to find more
1- Environment:
can you believe if we suggest you make 90% effort and in your environment, you don't adapt with it. so what you'll feel that 90% effort equall null.
so, let's talk about environment with more details...
i think most important thing in environment is People. you and your colleagues. i don't imagine such person can make u very sad. why?
because, you are not in the same mood. HOW TO BREAK DOWN THAT ! is it your fault?
i mean "how can you gain points?" ... GAIN PEOPLE
CAN YOU TELL ME HOW CAN YOU GAIN PEOPLE? WHAT ARE THE CHALENGES TO GAIN PEOPLE?
Different in mood, attitude , culture , ....
Don't tell me, why you want to gain him/her?
READ WELL THE FIRST TWO LINES
Need your replies ...
May 12 Really Funny ...واحد دخل سأل السؤال ده علي جروب
عايز اربع انواع فواكه تبتدي بحرف الميم ؟
ودي كانت الاجابات : موز - مشمش - مانجو- مكرونة موز - مشمش - مانجو- مطيخ - مرتقال موز - مشمش - مانجو- ميرندا موز - مانجو - مش - مش موز - مانجو -مشمش - مرقوق موز ,مانجو,مشمش،ما خلاص موز - مشمش - مانجو - مزرعة خوخ موز - مانجة -مشمش -مرقوق-مراولة- علاء الدين والمصباح السحري مانجو / مشمش / موز / مسقعة..!! اعمل ايه بس ياعم دانا دماغى هتنفجر ومش عارف الرابع .
.
.
.
.
موز - مشمش - مانجو - مندرين (اللى هو اليوستفندي ) وده كان الحل اللي اعتقد انه صحيح :) Welcome in my blogHi everybody |
|
|
